لقد إنتقلت المدونة إلى الوردبرِس كليًا

لقد إنتقلت مدونة وساميات كليًا إلى الوردبرِس تابع الجديد من التدوينات هناك

الثلاثاء، 3 يناير، 2012

ماسمعتش ؟ قالو في إشتباكات في طرابلس !!


مراسل قناة الجزيرة عبد العظيم محمد - طرابلس

تلفزيوناتنا الليبية كيف الاطرش في الزفة بالزبط ... بعد الحدث بساعات وساعات مرات حتى يوم كامل عادي - مادام في ليبيا ايه عادي - لكن طبعاً كان تبي تعرف المستجدات اول باول عليك وعلى القنوات العربية زي الجزيرة ... تي أصلا مرات حتى الجرائد الليبي تجيب في أخبار من وكالة الأنباء الصينية !! بيش تعرفوا المهزلة وين صارت ... واليوم اتحفتنا قنوات الليبية بعرض أحدث وآخر اغاني الفبرايرية وربما بعضها سجل منذ بداية الثورة واللي مازال يقولك فيه " وين هرب زعيم القادة " !!! مش خلاص لقيناه وقتلناه وافتكينا من شكله ؟؟ يعني لازم تغنوا عليه لعند توة !!
وبينما العاصمة طرابلس واخر اخبارها تأتينا من قطر مع قناة الجزيرة ... بالله نُطلب من المجلس الوطني الإنتقالي أنه يمشي يتفق مع امير قطر الشيخ حمد ويشري منه قناة الجزيرة ويخلوها ليبية ع الاقل علشان لما واحد من دولة عربية يقوللنا قنواتكم مش مغطية الشأن الليبي كويس انقولوله لالا عندنا قناة رقم 1 في العالم العربي عندنا الجزيرة ... ونزيدكم من الشعر بيت فمزال الخير لقدام وفي عشرات القنوات الليبية اللي مش حتعرض ومش حتقدم شيء الا الاغاني الفبرايرية اللي حفظناها وانا مستعد انذير فيها امتحان في أي وقت حتى لو كان مفاجئ ....
اخر كلمة " هرمنــا " !!