لقد إنتقلت المدونة إلى الوردبرِس كليًا

لقد إنتقلت مدونة وساميات كليًا إلى الوردبرِس تابع الجديد من التدوينات هناك

الخميس، 6 أكتوبر 2011

بوشنة وبوشفشوفة !

الشيخ المستشار / مصطفى عبد الجليل .
ناقص العقل والدين ’’ معمر ولد اليهودية القذافي ‘‘

لو اجرينا مسابقة الفروق 7 " وسنجعلها 17 على وزن يوم الثورة " بين الفار معمر القذافي والشيخ مصطفى عبد الجليل بالتأكيد سنجد ان الفروق اكثر اضعافاً مضاعفة ... ولكن ... تدوينتي هذي حاتكون فيها نوع من التهكم ...
السيد المُجترم معمر القذافي ... يلي ياما وصف الشيخ مصطفى عبد الجليل بوصف " بوشنة " جبناله اليوم دليل على انه حتى هو يلبس في الشنة !! وماننسوش هو شن كان يلبس في الخرق , والسواري "القمصان" المقطعة ! , او اللي عليهن صور تشاديين وغيرهم من الافارقة , او نظارات شمسية في عز الليل او داخل الصالات المغلقة , وطبعاً نحن مش بحاجة بتذكيره بالشفشوفة ... مسكين بوشفشوفة الشعب الليبي كلها جاء ضده !! مع انه راجل يدعو للاسلام في اوروبا ! ومايحبش السلطة !! ولا الكذبة الكبيرة بكل متع انه مواطن ليبي فقير يستنى في مرتبه نهاية كل شهر !! الكذبة هذي قوووية قواوة لاقوة الا بالله !! 
نمشوا للشيخ جلَيل " تدليع " في البداية كاين يلبس في الشنة الحمراء ومرات السوداء علشان يأكد قضية عدم وجود انفصال ( لاشرقية لاغربية ليبيا وحدة وطنية ) المهم ... بعدها من فترة طويلة الراجل معش لبسها ! , مع انها بصراحة ماشية معاه ... 
اللي خلاني نكتب البوست هضا فكرة من الافكار الوسامية اللي تمر في راسي , كان معمر قابل عبد الجليل ! شن كان حيكون الحوار بيناتهم ؟؟ خطرن في عقلي افكار واجدة واغلبها في العنف من الطرفين , لكن اكثر فكرة سلمية جبتها معايا ههههه ...


معمر : اوووه اسطوفة شن الجو ؟
مصطفى : الامور بعد مالقيناك تمام ... 100%
معمر : شنو يامصطفى طامع الكرسي متــــاعـــي ! "ويرفع ايديه بابتسامة كيف يلي في الصورة فوق " .
مصطفى : "يشوفله وبنظرة استغراب زي في الصورة فوق" , انا لا انفكر في كرسيك الاجرب وعمري مانفكر فيه ...
معمر " في سره " ماتخافش موتيلك حجابين من الساحرة الافريقية اللي جبتها حاتخليك تحب الكرسي والشعب يكرهك لين تموت .


طبعا حوار زي هذا مستحيل يصير ... لكن نفكرو في حاجة اخرى مستحيل تصير ,, لو جماعة طلعوا في مظاهرة واعتصموا وقالوا الشعب يريد اسقاط عبد الجليل ! شن حتكون ردة فعله ؟؟ اذا مفعول السحر يلي داره معمر اشتغل معناها اكيد عبد الجليل حيأمر "اللجان المجلسية " بقتلهم !! هههه , انا متاكد 100% ان عبد الجليل لو طلعت مظاهرة ضدة حيستقيل ... صراحة الراجل هذا يحتاج كل الثناء.

هناك تعليقان (2):

  1. انت مريض عقليا تو تقارن في بوشنة الكلب زي القائد يا معفن امشي يا خارجي ياحشاش

    ردحذف
  2. صحيت خوي ع الستيت والله مسحتلي علي كبدي اهو لابس شنة الجرد المجرم قالك قايد صح قايد اجرام قايد عصابة قايد خنبة معاك
    منور

    ردحذف